分組camp

又去camp喇~今次係分組camp

作為紀念我地一組終於偉大咁分組

諗返最初只有五個人,而家有十幾廿個

喺過去一年多之中有大大小小的事發生

尤其係分組前嘅日子,全部都畢生難忘呢

今次camp各人都玩得好開心

大家一齊玩,一齊食,一齊敬拜, 一齊分享

跟住落嚟又係一個新開始,要好好培養一個剛分裂嘅小組

飛鳳,你都要好好照顧孖生嘅分裂小組,一齊加油!!!

大網camp

一早入西貢大網仔,又入camp玩
朝早一班人玩集體遊戲同互相認識
食完lunch加支好味嘅大腳板再自由活動
打完乒乓波又瞓晏覺再打羽毛波
今次揸支重拍打反手感覺勁好,打得超爽~
黃昏出返去再食個tea同行一陣,wonderful~

送別

今日歡送泳兒last day,成team一齊請食佢食lunch
去咗一間半山soho區嘅西式餐廳
間餐廳嘅環境同氣氛都好唔錯,去嗰度食嘅人真係識嘆
今餐都幾得意,主菜係比一大塊燒紅嘅石加全生嘅肉
自己想幾熟想點食都得,今次我揀咗鴨胸,其他人揀咗,雞,牛,三文魚同青口
一塊超厚嘅生鴨胸原來好難切,各自煎好之後就交換嚟食
有d幾好食,有d太燶,不過一班人咁樣自己整嚟食都幾好玩
有傾有講咁食,一食就食到兩點幾,最後一齊遲到:p
臨收工老細請食tea@仙跡岩,芝蜜火腿厚身吐司加蜜桃綠茶,好味~
食完泳兒就走了,永遠懷念你啊,泳兒~

專屬於我的幸福

好感激祢今日再次比我知道,祢一直都看顧著我
祢令我得到被守望的安慰,亦令我得到能守望的喜悅
你積水對我的感激和欣賞使我欣慰
大隻妹對我的關愛和支持使我感動
今日嘅禱告,擁抱以及淚水令我難忘
因著對祢呼求,使我重新察覺到這一切
我終於找到一部份專屬於我的幸福
確確實實,永永遠遠
抱歉,團長,我不可以再跟著你走
我已找到在世上一部份專屬於我的幸福
他們對我是如此重要,我要處於他們身邊
多謝,團長,你之前一直保守著我...

薯片tea

好快咁返咗新工一個星期,今日過得好輕鬆愉快
事關老細今日全日返咗大陸,冇人睇住,想做乜,想點做都得
而且成team人今日都輕鬆咁吹水,今朝一早就開咗個"溏沁forum"
三個女人已經一個墟,今次仲有四個,死未
臨放工再整個薯片tea,我一個已經食咗差唔多兩包
仲有朱古力+魷魚片+檸檬茶,超正~
好感恩成team人咁開心咁有氣氛

皇額娘吉祥

今日返屋企見有支康乃馨,好好地插喺花樽度
話說尋日攞咗支康乃馨去送比皇額娘
皇額娘登時面露歡顏,兒臣心中亦萬分喜悅
乃馨送比媽,需要理由嗎?

退修

尋日終於同飛鳳&賢弟去咗蕉坑退修

天氣超好,我地嘅祈禱有回應呢,超感恩~

放工就去rainbow會合&買嘢食

除咗麵包夾魚魚,腸腸,桃桃,雜果,好多零食,仲有焦糖布丁&藍莓乳酪,超正~

搭車入到去即刻開餐,太肚餓喇!!!!!

食完一邊敬拜一邊感受周圍嘅花草樹木,好享受~

之後行入去三星灣,沿途周圍望,已經開始玩水

行咗大半個鐘,終於見到個沙灘,好靚啊~

休息一陣就各自修行一個鐘

我就瞓喺沙灘蓆上面,望住個天,聽住浪聲,睇住聖經,諗住耶穌,感受自然...

各自修行之後,一路分享一路食海水冰震嘅布丁同乳酪,超好味~

跟住就開始一齊玩泥沙,非常白痴,十分低能,而且極之開心,成身都係沙呀!!!!!

玩玩下已經天黑,摸黑行返出去,伸手不見五指,飛鳳好似好驚呢~

沿途大大聲唱詩歌壯膽,仲有好多蜘蛛網

行返出去再搭車到diamond山食KFC,個侍應不停講"唔好意思",超攪笑

好開心好正嘅退修,大家都要嚟試下~

附近有個小mangrove都好靚~

輕輕的我走了 正如我輕輕的來

尋日last day,走得瀟灑
最後嘅一個月都好平靜,好感恩
今日返新工亦都無風無浪
係一個好開始,之後就要加把勁

爭取這一次走幾千百里

尋晚諗如果今日唔落雨就去pre-trip,點知真係冇落雨
雖然要返工,不過放工之後都係決定去
飛鳳,賢弟,我率先親近神同大自然喇

目的地係西貢蕉坑,年幾冇去過,不過冇乜點變
只係多咗個新嘅池塘,視察一圈之後想去埋三星灣
但係只有模糊嘅記憶,不過依然好有信心實記起點行
同埋好想去沙灘行下,於是繼續行

"沿途留心,掌心的知覺也著緊"
一路上碰到一條蛇,十幾隻狗同埋無數嘅昆蟲
中途行入一條村with好多狗而且好兇狠,不過照行照過

"沿途祈禱,始終一天我會望到"
終於比我記得同搵番條路,感覺沿途都有神守護同提醒
跑上斜坡環顧一周大聲叫,感覺好經歷神

去到三星灣,現場冇乜人,自己一個人,周圍行一陣
背靠遼望台,面對住大海,坐在岩石上,於心中靈修
一陣陣海風迎面吹過嚟,又唔晒又唔熱,極之舒服~
一坐就半個鐘,開始行番出去,之後一齊再嚟過!

哥~哥~

今日放工搭地鐵嘅時候

隔離坐咗個師奶,抱住個幾歲大嘅細路女

第一眼望住個細路女就叫"哥~哥~"

轉個頭再望佢又叫"哥~哥~"

真係好鬼可愛得意

悠長結束

五日嘅悠長假期
終於由今日極級風和日麗嘅天氣結束
依然好舒服好正
啊~幾時再嚟~