火爆

呢幾日咁熱,今日仲要比人屈
而且係比高層屈
講羸佢就記住你
佢講羸就小爆你
總之佢就唔會理
唔好諗住講道理
係唔係都小爆你
火火火...

物極必反

趁下星期一之前總結下呢個星期有幾辛苦
雖然上星期已經預知呢星期會多好多booking
偏偏呢個星期三要考試
原本想連埋星期六日一次過放假
不過都係唔敢放哂,只係放星期二三

星期一已經盡哂力再交低所有身後事比teamate
跟住放假溫書期間又病咗
一路病一路溫書一路考試...
星期四仲係病住咁返工
因為唔返唔得,另一個teamate連放兩日
一返嚟就有壇大鍋嘢等緊我執手尾
個頭痛到想死咁
又乜嘢都未知就要即刻出report又乜又點
兩日內要做番平時幾星期咁多嘅booking
真係做到物極必反
個人愈做愈醒神,仲覺得好緊張刺激添

咁辛苦咁大壓力,當然要搵d嘢發洩
今日又成功拯救地球,而且係用新機,yeah~

Endless Waltz

唔驚唔覺就過檔咗兩個月
雖然已經適應咗
不過的確比以前冇咁開心同壓力大咗
雖然早放咗
不過ot冇咗
雖然要做嘅嘢少咗
不過要煩嘅嘢多咗
雖然個位同老細近咗
不過個心同公司遠咗
雖然人人都覺得我算升咗
不過其實每日過得堪坷咗
愈來愈發覺而家嘅工作並唔係自己希望嘅生活
但係點樣嘅生活先係自己想要嘅呢
咁嘅生活又喺邊度呢
我又可唔可以達到呢
幾時先可以走出人生呢個局呢
不完的華爾滋...

訓覺

呢排唔知點解成日都好攰好想訓
訓多訓少都好想訓
訓覺其實真係好舒服~

煙消雲散

今晚同幾個舊同學一齊食飯
既輕鬆又開心咁happy咗一晚
日間所受嘅壓力同怨氣都於瞬間煙消雲散
仲食得好飽添

偶遇

今朝搭巴士有偶遇
嘻嘻(心甜)
希望再遇上