胃氣上心頭 晚飯黃昏後

轉咗工咁耐, 今日先放第一日annual leave
今日放假唔係休息, 亦唔係去玩, 而係去尋根, 去尋我嘅子孫根(笑):P
仲早過平時返工起身, 起身嘅時候, 地心吸力突然加強數倍, 差d起唔到身
坐咗個多小時船, 終於到達久違了嘅噢!!!們

見到周圍嘅街道, 即刻有種似曾相識嘅感覺
係一種好陌生嘅感覺, 我已經完全記唔起邊度打邊度
上次嚟起碼十幾年前, 我只記得自己當時仲係一個細路
好快做完正經嘢就同個久違了嘅親戚飲茶, 互訴久別之情
轉眼又到黃昏, 晚飯黃昏後, 返屋企食飯休息吓lu~

昨夜灰姑娘

今日有樣特別嘢做, 就係去影相, 上年影落一打, 不過唔知去咗邊, 唯有影過
無啦啦做咩影相? 因為要攪證件, 遲d仲要放假去攪, 好麻煩, 勞民傷財

尋晚同操新溫&好耐冇見嘅何龜食飯, 順便八下大家嘅近況
真係要八先知, 隻何龜唔問就唔講,有時問都唔講, fine~ respect u~
食完上操新溫之家嘆紅酒, 仲買咗支汽水溝嚟飲
幾好味, 可惜d紅酒差d, 開咗兩支都唔靚 (操新溫千祈咪郁我) :P
傾下飲下又過十二點, 何龜頂唔住走先, 操新溫都醉醉地, 咁灰姑娘都要走喇
可惜蕭得吹仍被放逐國外, 下次大家相聚不知何日何時...