新年 x ot x 飲紅酒

今晚又ot,我好似已經ot咗成個月
暫時總計有四十多小時, 癲哂~!
新正頭ot又有新記錄,十一點半先走
仲喺公司同d同事切蛋糕,飲紅酒
究竟呢個係咩世界呢,竟然喺呢種時候發生d咁嘅事
唉~聽日繼續開工--多數...

北斗ot拳

好攰,好攰,好攰呀~~~~
好多,好多,好多ot呀~~~~
呀~打打打打打打打打~~~~

even the nights are better

疲累嘅一日又結束...
霄夜食糖水好好味...
even the nights are better...

新職位x新工作

呢個星期開始轉新職位學新工作
開頭真係有d亂,但過多一兩日又開始有個譜出嚟
剩落嚟就係記熟d細節,同埋跟番所有case

呢幾日都勁煲周杰倫,側田同衛蘭隻新碟d歌
太好聽喇,煲到上哂身
紹德,搵日又要上你度jam一jam歌

ot x ot x ot

呢個星期都算超辛苦,放假後嘅瘋狂接客情況經已出現
加上每晚都要ot到好夜,又有好開心嘅應酬,ye~身心好疲累呀

話說老細要開始job rotation,但又冇明確指示
只係話06年1月開始,fine....!咁就由我話事
於是今個星期一開始我就捉住將會接替我原來職位嘅同事
將我畢生功力於呢一星期內盡量灌輸比佢
一面教佢嘅同時,又要睇住佢有咩差錯
當佢應接不暇嘅時候,又要出手相助
換言之,office hour差唔多做唔到自己嘢
平時要做同之前計劃要清嘅工作,就要留番夜晚ot做
就係咁,開始咗好似返兩份工嘅生活

好事成雙,原本諗住下星期先開始全身投入嘅職位嘅嘢
呢兩日竟然無啦啦又會掂埋,都fine...!第三份工開始
話說尋日碰見轉新職位後會經常接觸嘅sales manager
就二話不說話放工後有個會議要開,而且同新職位有關
要我都去聽下,一開就個半鐘,聽完依然要ot
今日下午忽然話新職位會接觸嘅客上咗嚟
話要認識下先同溝通下,咁又呆坐咗一個鐘
送完客,更高級嘅line manager又有嘢要傾
當然,同新職位有關又要我聽下
咁又傾咗一個鐘,不過今次唔知點解要企喺佢間房傾
傾完已經放工,除咗原本ot要做嘅嘢,仲有開會嗰兩個鐘要做嘅嘢
咩都唔駛諗,ot啦!

公司新船 x CMA CGM TOSCA

今日係入冬以來最凍嘅一日,朝早市區氣溫只有八度
我屋企對住海所以凍多一度
因為太凍所以一早就遲咗起身
然後用極速換衫撲去尖咀同幾個同事食早餐
食完就喺九龍酒店會合,再搭車去HIT上船
好快上到船,切燒豬,食嘢,影相,吹水,周圍睇

仲有香檳飲,飲咗幾柸,都應該有半枝
飲飽食醉之後搭番銅鑼灣解散

今次真係金豬還神!

元旦x日出

昨晚除夕夜,無啦啦走去鳳凰山等睇日出
雖然到最後睇唔到,不過係一次難得嘅經驗
因為成晚流流長又凍到震
去之前喺朋友屋企bbq又ok暖
最後又一晚通霄,哈哈

晨早見大佛!