感恩春茗

wow~今晚真係一個好值得感恩嘅晚上...
話說今晚係annual dinner,喺Grand Hyatt個ballroom食
一到會場就即刻抽個"人人有獎",抽到二千五獅子銀行禮卷,嘩...正!!!
dinner開始,主持搵咗個港姐亞軍做,不過唔記得係邊一年
食咗一陣有個"六合彩table prize",當對到最後一個號碼
先發覺自己中咗,嘩...好正!!!
呢個時候我覺得今晚已經無憾,已經非常之好彩,可以等完場
然後到全晚嘅高潮~~~top ten grand prizes,主持介紹到第九獎係一兩純金之際
我就諗而家d金價高企,如果抽到就正哂,跟住主持叫咗我個名
差d連飯都噴出嚟,嘩...超正!!!
少少補充,頭獎grand prize係一隻價值十四萬幾嘅手錶,嘩...真係成年人工
非常高興,非常感恩,今次真係要普天同興,普世歡騰~~~

新春團拜

今日同成team同事返大陸,同深圳仲有廣州同事團拜
約咗一點喺北角碼頭集合,臨落車竟然發生咗d急事,好大獲!!!
好辛苦咁等到落車馬上解決呢件急事,真係一額汗,真係要感恩...

上到去就即刻k lunch!!!間房大到無倫!!!
有兩層座位,又有演唱台同bar枱,仲有舞池
又食又飲又唱又玩幾個鐘,仲有利是逗,仲係老細埋單
真係普天同慶,哈哈哈....XD
夜晚喺一間好warm嘅包房一齊食飯傾下計
d嘢都幾好食,仲食得好飽(可能係飲飽)
好高興可以同咁多同事一齊新年聚一聚,食個飯~

凍過年

又有段時間冇打blog,天氣仲凍過上次
厄爾尼洛,我命休矣~
好耐未試過凍到低過十度,仲要連續一星期,我本能話我知係時候冬眠
但係十度唔夠返到屋企竟然見到隻細龜好精靈咁爬嚟爬去,無言...

番鬼新年之後又到唐人新年,係時候同各方好友拜個早年,祝各位~

龍馬精神,唔會身痕
橫財就手,買多層樓