又玩喇

呢兩日返咗大陸玩,雖然天氣差咗d
不過都幾好玩,仲有幾多笑料爆
而去之前嗰晚都好忙,原本諗住早d收工返屋企執嘢
點知無啦啦又要去試鏡,攪到十點幾先返到屋企
跟住聽日又要返工喇~

火呀~

今日原本冇咩好寫
就係放工返屋企前發生嘅事唔寫唔得
放工喺自動櫃員機過數唔得
返到西環再試又唔得
打去熱線又話要辦工時間去分行先攪先得
已經火都嚟埋
行咗一陣發覺放低咗把遮喺櫃員機
返轉頭想攞番竟然咁快冇咗!!!
holy...shiiiiiiiiiiit,遮都好偷?咩世界?
應番尋日嘅金句
一日唔死都有新驚喜,差在係驚定係喜

驚喜

日子過得愈來愈快
諗緊周未做過嘅嘢,但聽日又星期四
真係癲哂
今日lunch又有免費午餐,正!!!
同d高層去食d又貴又唔係幾好食嘅嘢
放工喺中環地鐵比人問拍廣告之類嘅嘢
仲派咭片留電話,認真爆笑
估唔到我副專容都有人buy,ye~
打機嗰陣又撞到個幾有趣嘅人,勁好笑
真係一日唔死都有新聞聽,日日都有新驚喜

昇華

嗯...近排發覺自己真係懶咗好多,返到屋企唔係上網就訓
可能因為生活變得安定
不過安定嘅生活其實好難得,因為安定得嚟又唔係難頂
但係都係時候好好再次鍛鍊身心,昇華自己嘅品格
做下未做過嘅事,試下未試過嘅嘢
當然唔會亂嚟啦

訓...

近排懶訓咗好多,訓極都好想訓
可能天氣關係
不過真係好想訓,好好訓...

永遠開心快樂

今日又準時收工,新年之後已經變得輕鬆
輕鬆到而家真係無話可說
之前聽講呢個位好煩好忙,諗住轉咗之後會比以前pk
雖然有時係有d煩,不過整體上感覺好過之前
可能係我能力同效率又高咗(笑)
不過的而且確最近做嘢都用咗d新思維同方法
所有嘢都清晰同簡化咗咁
呢個轉變對之後任何工作都有幫助,正!!!
但係都要多謝身邊嘅人提點,無論有心定無意
即使係我旁觀偷師定旁敲側擊,都要有樣本提供
講到尾都係自己感覺啫,不過做得輕鬆舒服開心快樂就真嘅
希望可以永遠延續落去...

bowling三全中

咁又過咗一星期,尋日又去打bowling
尋日朝早返完工,返西環打舖機再食飯
之後返屋企蛇一陣再去南華會
呢次又創新高,一個game打出三個全中
wow~正哂,打bowling嘅手勢同feeling開始摸到
打多幾次之後可能可以試打業餘,哈哈哈...
發夢冇咁早,交吓學費先啦