見步行步

呢個轉咗新部門
又要做孤兒仔
全部門計埋老細四個人
但係老細已經表明實際工作人口只有三個
工作唔係人地比
要自己去搵
搵完仲要自己諗應該點做
嗯...好大自由度
但係唔準出錯或delay
否則就小你
不過總算過咗一星期
見步行步把啦...

食晚飯

今日父親節
夜晚一家人出咗去食飯
一向只會略略慶祝中國節日
近年來開始會喺特別日子出街食飯
感覺怪怪...
講番今晚嗰餐
脆皮雞,芝士焗龍蝦,蔥蒜蒸扇貝,花膠炆鵝掌,仲有個唔記得乜嘢煮乜嘢
隻雞皮脆肉嫩
龍蝦同芝士嘅味道互相輝影
蔥蒜帶起扇貝嘅鮮味
花膠鵝掌炆得夠火侯
剩番嗰樣都好好味

命硬!?

呢兩個星期全面教個新人
深深體會以前阿sir同miss嘅苦心
教人原來咁花心機
仲要喺超短時間教完就開始做
如果撞啱個學生食甜筒又唔溫習
就真係愈嘗心愈苦心
鬧佢又唔得,幫佢做又怕佢依賴
睇見個客趕,又要等佢慢慢做
最慘係未有新電腦到
佢用咗我部電腦同個位做嘢
其他人又要我做d要用電腦嘅嘢
做條毛咩
攪到要每朝早過佢返工或者lunch
先可以用番部電腦做自己嘢
激氣兼攞命

工讀生

今晚終於開始咗第二科
以後幾個月有排忙
既要返工,又要加班
除咗返學,仲有功課
嗚~~~哇

開心過日辰

今日長週返上午
下午同朋友食加聚會
夜晚再宵夜
好耐冇試過輕鬆玩一日
開心過日辰
enjoy每一日