端午節一日曲

聽日端午節假期
放一日假,休一日息
做一日僧,敲一日鐘
開一日工,賺一日錢
做一日人,開一日心

病倒

而家係下午三點零六分
喺屋企休息緊
可能因為最近工作量同工作壓力上升
今日終於頂唔順病倒請病假
趁機休息下兼做d平時冇時間做嘅私人嘢
zzz...

嘈喧巴閉

近排都冇乜好日子過
可能因為旺季關係,工作量上升
但如果只係咁都未算日子難過
有個一向好煩好乞人憎嘅客,仲要係常客
久唔久就有佢d單,而家仲要有好多佢嘅單
而且仲要有問題出現,佢就更加嘈喧巴閉
最慘問題關鍵並非喺我身上,我又冇嘢做到
一味比佢嘈比佢煩
無奈~~~~~~~

火火火

火~~~~~~~~~~~
呢幾日黑到震,黑到暈
工作上接二連三出現麻煩
而且有怨都無路訢,求救無門
仲要一路火一路加班執手尾
而家又攰又火,想出火都冇力
真係唔知行咩衰運
好攰好火呀~~~~~~~~~~~

開學咯~

上星期五終於開學
又做番學生讀番書
真係讀"番書"
陰差陽錯下有科押後一個月先開始
令我可以慢慢適應
唔駛一開始每星期返兩晚
考試都可以分開考
又要抽時間溫書
做學生真唉~

午睡

今日下午放假
食完lunch返到屋企
訓到食dinner先起身
雖然好似好浪費
但係好舒服

爽快

今日難得早d走,返到西環行咗一陣街
好耐冇shopping,其間入咗間鞋舖
入去望幾眼就見到有對鞋好啱心水
試啱即買,埋單七九點九
跟住行u*,又係望幾眼就見到有條褲好啱心水
又係試啱即買,埋單七九點零
買得爽快

炸暖還寒

近排天氣都幾飄忽,炸暖還寒
一時落狗屎, 一時曬到燶
一時熱辣辣,一時涼陣陣
身邊都有人病倒
令我更要小心,哈~哈~嚏

高體力消費

經過尋日高體力消費嘅活動
再嚟今日高體力消費嘅運動
就係行山加沙灘排球,沙灘躲避球同好多好多...
由於星期六差唔多冇訓過,加上連續兩日都好攰
只要一靜落嚟或者坐低都會隨時失去知覺
如果訓低十秒必訓