全日玩

今日又一日fullday,不過唔係返工,而係玩
朝早九點幾起身,已經比預期遲咗
因為公司有單嘢要交帶比同事,所以要一早起身打電話
打完電話就刷牙洗面沖涼,跟住一路睇漫畫一路食早餐
到食完已經十一點,然後換衫執嘢準備好所有嘢出門
十一點半左右出門,首先去銀行開個支票戶口,都要用一個鐘
跟住搭巴士落銅鑼灣join埋一班同事
hea一陣去食飯,食完走去南華會玩
因為冇人係會員,所以臨時搵個入會先
原本想打bowling,不過排咗成個鐘都未輪到
所以有部份人去咗打桌球先,包括我
玩咗兩個鐘左右,知道bowling開始打緊
又再打埋bowling,由於之前未打過,係咁咦打咗一局就算
原來冇想像中咁難,不過易學難精
等其他人打哂,又到夜晚九點,一齊去食飯
食完飯再上樓上cafe坐低飲嘢
飲到十二點幾先散,仲勁過返工加ot
不過全食飯飲嘢加埋玩都只不過百幾蚊
超開心,認真抵玩!!!
p.s.返到屋企仲食得落兩碗飯,厲害!!!

春茗x司儀

今晚公司有個annual spring dinner
上年我只係一個small potato坐埋一二邊食完就算
今年同樣係small potato,不過唔再坐喺一二邊食咁梭芙
因為我擔任咗今晚嘅司儀
煩擾咗成個月嘅準備工作終於喺今日劃上一個休止符
今晚嘅演出都好成功
一開場我就唱住七里香行上台,結果反應熱烈,真係high爆
之後玩遊戲同抽獎都好順利,只係中途音響出咗少少問題
雖然今年依然無抽獎運
不過今次成功演出同咁難得嘅經驗已經係最大嘅禮物
哎,我嘅第一次就咁獻咗比公司
但係希望之後仲可以獻出更多第一次
好喇,攪完呢檀嘢,等我搵其他嘢攪吓先...

yeah~

今日全日都超輕鬆,電話少,email少
準時收工,正哂

ot萬歲

尋日先講起ot開始滑落,今晚ot就創歷史新高
------六個鐘,十二點先走人
真係由朝做到晚,好攰好攰~~~
不過又做得幾開心,唔駛用錢之餘,仲有ot錢
原來尋晚同今晚加埋已經八個半鐘
上星期返得三日工都有九個半鐘
呢個月返咗五日工已經有十八個鐘
淨計ot已經合共五百幾蚊
但係呢個月暫時都未用到五百蚊
再咁落去底薪都可能都唔駛用到
仲有利是錢都未用
係咪應該搵d嘢買吓好呢?

ot萬歲呀~~~

得閒發吓白日夢

近來ot終於開始滑落,時間好似多番d
不過依然過得好快,眨吓眼就一日
眨幾眼就幾日,咁眨法,好快可以收皮
收皮之前好想可想放吓假,連續幾日訓番十幾個鐘
最好就可以打吓機,聽吓歌,做埋自己鍾意做嘅嘢,
買吓自己想買嘅嘢,仲有咩呢,諗住咁多先

農曆新年x踩單車

呢個農曆新年假期咁又過咗喇
又忙又玩又返大陸
仲學識埋踩單車
終於都有機會比我學識~