聖誕x開心x充實

放完聖誕假,今日又開始返工
回顧之前幾日,可以話咁多年來最忙最開心

24/12
上午返工,下午返屋企休息下,夜晚同一大班人唱聖詩
跟住再去朋友度打邊爐and玩通霄
25/12
訓到下午先起身食飯,夜晚上咗個死黨屋企吹水唱歌隊啤
26/12
又訓到下午先起身食飯,食完即刻同另一個死黨去睇gameshow
跟住就去咗個party玩,玩完再睇埋戲
27/12
又再訓到下午先起身食飯,下午同舊同學食tea聚一聚
跟住夜晚跑步,好大風

好開心今年聖誕過得咁開心同充實
希望以後可以繼續
另外今晚同幾個朋友食嗰餐都好正

公司 x 聖誕party x 中獎

今日公司攪聖誕party,lunch有個大餐食仲有抽獎
個大餐有pizza,大蛋糕,意粉,腸仔,肉丸,雞翼,匍撻,
中華沙律,八爪魚,刺身,各式壽司等等...
先嚟睇吓食剩嘅嘢

今次仲有紅酒飲,飲咗半柸,唔錯
跟住抽獎都幾開心,一向冇抽獎運嘅我竟然抽中,yeah~
之後連帶我身邊五個人都中,一齊高興,再yeah~

放假x行街買嘢x打機

今日放埋最後一日annual leave,去咗灣仔銅鑼灣行街買嘢周圍逛
又試玩咗一舖hod4,都ok好玩,去到boss就byebye
http://hod4.sega.jp/

跟住返到西環用froce impulse打爆機,好開心

之前係用forbidden打爆

遲到x大角度風景

今朝出門差d又遲到,跑到巴士站上剩幾個人,好險
平時只要上到車就一定有位坐,今日竟然迫到車門附近
不過可以睇到平時睇唔到嘅嘢,就係車門連車頭大角度風景
而且今朝天色唔錯,實在難得

問好x雪中送炭x茫然

病完請咗一日半假,今日又再返工
放完假之後返工感覺總係怪怪地,尤其係放病假
一早返到office,陸續有人向我問好,心情即刻warm哂
仲收到星期三下午有個客送嘅糖,真係雪中送炭

今朝收到個電話,跟住發生咗d事,然後心情有d茫然
放工去打機,打完好開胃,晚餐好好味
('o') ?

肚x頂

尋日下午開始覺得個肚好唔舒服,頂頂吓咁
今日終於頂唔順去睇醫生,原來係胃炎
攪到食咗d嘢都唔落格,好辛苦
而家在家休養中...

放假x冬眠

呢幾日實在太凍,雖然唔係最凍
但係已經凍到我咩都唔想做
每日只係食訓痾
今日又放假,做咗少少正經嘢
跟住進入冬眠狀態...

凍x開飯

今日開始幾日都會好凍,又令我好想訓~
雖然都想天氣凍番d增加節日氣氛
但係又唔想太凍,好矛盾...
上星期約咗d同事今日又喺公司開飯
不過今次會議有人用緊
唯有喺公司嘅網吧區隔離嘅補習社枱度開飯

爽x爽

今日又玩足全日
七點半起身,九點去到鑽石山會合搭車去大棠
搭嘅係城巴,係租咗三架一大班人去
雖然好多都唔識,不過冇所謂,最緊要好玩
入到去磨咗一陣,又有d嘢攪,到一點先食得
咁啱仲有狗展,不過去到已經差唔多完
返到西環食過晚餐又上紹德屋企把酒談歡咗一晚
然後又到凌晨一點,今日得一個字--爽!!!