rotate x 唱k

今日一朝比老細叫咗入房傾計
話題係關於讀書同rotate
一開口就問讀書方面攪成點
說來慚愧,之前報嘅全部唔收
正當我想冷靜落嚟諗清楚讀d乜同慢慢搵
老細就搵上門,佢唔失望我都覺得唔好意思
總之最後係唔理讀咩,盡快攞個business degree比佢就得
跟住就問有個位比我rotate,聽落幾好
不過嗰個位嘅難度同惡頂程度都幾高
但係老細咁樣開口問,而且以後未必咁易有機轉
真係食之無肉,棄之有味 - 雞肋也

然後今晚同幾個同事唱k,唱得好之餘又開心
決定聽日再同老細傾傾rotate嘅問題,結果已經呼之欲出...

放假x換證

今日請假休息之餘,順便辦理換領回鄉證手續
全日都好似好輕鬆,返到屋企又繼續訓
冇乜嘢做過咁,可能咁先叫放假

充實x新朋友

上個週末都算充實,差唔多出街去足全日
以至今日遲到五分鐘,雖然好似冇直接關係...

星期六訓到中午就起身食飯,跟住去旺角會合
做咗隻唔多好嘅磨沙柸,跟住打邊爐
期間玩咗d遊戲,有同一大班新相識嘅人吹水
直到十一點幾返到屋企
跟住星期日又要一早八點起身去新蒲岡
食完lunch就去咗個公園聚會
然後返到屋企又食晚飯

充實之餘又識咗d新朋友,正!

時間x快樂

近來愈來愈諗通咗好多嘢,唔知係咪因為年紀開始大嘅關係
重新定過自己嘅事業方向同生活態度
為工作而進修,為個人修養而培養興趣,為以後開心快樂而準備
唔開心嘅嘢唔諗,只要記住背後嘅教訓就得
唔會再為傷心難過而浪費自己享受開心快樂嘅時間同機會

昨晚二姐買咗隻final fantasy vii - advent children
太興奮了,不過要到今晚先有時間睇
睇完high哂,太型太cool太靚太正了

lunch高峰會議

唔知幾時開始,日日lunch都落街食
終於今日留喺公司食,不過都係冇帶飯
話說bbq嗰日剩低ok多嘢食
而公司御厨再次發揮小宇宙,將剩低嘅食物變成美食
除咗有餸,仲有煲飯,一共有八個人
喺細會議房齊齊開飯,一邊府覽外面風景一邊閒話家常地食飯
lunch可以喺公司咁食都算創舉,希望以後都可以咁做
因為除咗食得健康d,多d選擇外,仲可以慳番d功夫同金錢

石澳BBQ

昨日放工後與十幾個同事去石澳bbq,既好玩又好多嘢食
因為長短週嘅關係,我地分開兩批人去買嘢同帶嘢
去到已經冇哂爐,唯有租爐用
竟然要百五蚊,而且只有六小時同十張櫈
加多張又要十大元,當然唔要
放低嘢起完壇,立即去海邊玩吓踼吓浪先

玩完就番去食嘢,真一流
今次食嘅嘢不同於一般bbq,皆因有個御厨幫手
有燒豬頸肉,沙律,串燒,仲有超正嘅~秋刀魚
啱啱有隻貓走過嚟,不禁想起七里香歌詞
"秋刀魚的滋味,貓跟你都想了解~"

隻貓仲好乖咁比我任摸,不過佢都係有得睇,冇得食
一路食一路玩,好快就玩到十點幾,執嘢走人

準備

又一day,今晚要準備好聽日bbq帶嘅嘢
仲要好好休息,聽日玩餐飽

不幸與幸運,得到與失去

近排可說是接二連三地不幸
繼早前報讀失敗後,前幾天工作上又出了些差錯
雖然最後有驚無險,但總是不是味兒
而今天放工返到屋企竟然滯水
好彩到九點就有番水,否則可能要問人借浴室

不過最近我都諗通咗好多關於人生同生活上嘅問題
而且更得到一樣好重要,令我好雀躍嘅嘢
即使到最後未必得到,得到咗亦可能失去
我都會用心爭取,坦然接受結果,並刻骨銘心

解決

今日放咗一日假,之後又有好多嘢等住我去做
不過我一定會全部解決

煩

連放三日假之後,好似冇放過咁攰
一大堆有待完成嘅工作
仲有麻煩事出現
心情既煩且down
聽吓歌訓吓覺吧...

會議茶會

今日下午有個公司攪嘅customer relationship enhancement meeting
地點係太古坊嘅一個club house,環境都算幾high卡
第一次喺呢d地方meeting,感覺唔錯
酒店式管理,裝飾帶點古典歐陸風味,仲有條好似titanic船上面嘅樓梯
房間採用橙黃色嘅裝飾燈光,給人一種既warm又comfort嘅感覺
而且使用上木造有背嘅椅子,同蓋上同款式桌布嘅小圓桌
桌上仲放置咗茶壺水柸同少許糖果,間中會有專人加水
再加上房間內有個角落放置咗一餐桌嘅西餅小食同奶茶咖啡
以供休息時享用,好似中世紀歐陸貴族攪嘅小型室內茶會咁
而會議過程都好輕鬆愉快,可以話值回車費
post番d靚景點綴吓...

生活淡淡似是流水

今日比起昨日忙很多,聽日放假兼星期六短週
又要趕住放假前交低哂d嘢,於是又要ot喇
不過除咗忙都冇乜特別事,好平淡咁過一日
究竟係好定唔好呢,咁嘅日子又會持續幾耐呢?
今日唔知聽日事,聽日唔知會出事
隨波逐流還是逆流而上好呢...

聽日放假倍stan遊香港,好期待大家相見嘅一刻
他鄉老朋友難得重逢,一定要好好聚一聚

又送禮

今日又有客上嚟送禮,不過今次完全冇我份
但又要我幫手攞,得個睇字,認真冇懚

話說Stan又返嚟喇,但係竟然攪錯佢幾時返
差d出事,佢返嚟嗰幾日又好似好忙,都唔知可以點
求其可以點就點啦