悠長假期

今日開始我五日嘅悠長假期

瞓到食lunch先起身,好爽~

而且天氣仲係超級風和日麗,好舒服~

本來約咗大隻妹tea time守望,順便影相

不過因為佢有d麻煩嘢攪緊未完

攪攪下我就喺旺角閒逛咗幾個鐘

另外都約咗你積水dinner守望

就係咁順便喺旺角攪掂

今晚去咗久違好耐嘅KFC

食咗個好食又幾豪華嘅套餐

今次守望都算係最長兼最高質數嘅一次

冇hea,冇吹水,冇拯救地球

傾咗好多屬靈嘅嘢

估唔到原來我都比到好多屬靈上嘅advise其他人

而且仲維持到一種既輕鬆又認真嘅氣氛

話說尋日彼此建立嘅反應亦十分良好

仲比人讚祈禱突然進步好多,開心死~

梗係啦,差唔多日日都有祈禱嘛!

真係好正,好感恩

而家嘅KFC(300)原來都幾好食~

大減價

放工本來約咗你積水守望
不過佢今日有d嘢做唯有再約
跟住去咗行街街shopping
嘩,原來好耐冇自己一個行街買嘢
買咗一件衫同兩條褲
撞啱大減價,好抵買呀~
唔買都過嚟睇下路喂!

男人嘅浪漫

今晚終於...終於比我搵番...男人嘅浪漫!!!!!!!!!!!!!!!!!
就係機械人加熱血!!!!!!!!!!!

唔會太遲 嚟得及時

今日係德俊講道,愈嚟愈鍾意聽佢講道
講得非常之好,十分有用,好多啓發,仲好感動
對以後好多事嘅睇法同做法都更加肯定同有自信
其實都係老薪常談,以前未信都有相似嘅想法
不過透過講道聽到嘅認同感好強
好似得到神嘅認同(笑)
而且令我嘅想法更強烈同埋更周全
呢篇道真係嚟得及時,好多謝神給我信息

講番d日常嘢先
呢個星期都瞓得唔係咁優質
不過呢兩日都有去玩,嘻嘻:P

心跳回憶

唔...今日有d攰,返工搵周公
準時走人收工,返屋企鬆一鬆

整理一下d相,順便回憶一下
每張相,每一刻;每個人,每顆心
每個故事,我都記得
如此精彩嘅片段
忘不了...

早晨,先生,小姐,買支旗吖!

尋日五點半起咗身,一番瞓就七點喇
仲約咗其他人七點喺九龍塘食早餐,即刻飛撲過去
八點幾開始連續四小時賣旗
一早與你積水,表表妹,大隻妹,菲律賓波王同佢個朋友阿芝會合
然後分兩隊,向世界出發
開始冇幾耐就進入瘋狂喪賣狀態
旗袋愈來愈重,拎旗袋嘅手亦愈來愈攰
不過能夠略盡綿力,係值得而且有意義

賣旗結束後與菲律賓波王同阿芝共進午餐
互相分享同傾咗好多嘢
食完小寶兒就加入,原來佢同菲律賓波王打算溜冰
正!!!想試好耐,只係冇人教同陪在下去
第一步踩喺冰上面發覺好冼
跟住捉住扶手繞場行一周
開始有d感覺同掌握到小小撬門
然後就放手圍住個場行下冼下
但係轉彎同煞制麻麻,驚險場面此起彼落
不過冼冼下都幾好玩

溜完冰仲有嘢玩,不過去咗醫肚先
呢個時候朝早一齊賣完旗嘅你積水再度復出
補給完畢後,一行四人又向世界出發
今次目的地係波樓
舉行咗一場英菲友誼扶轆架大賽
代表英國嘅你積水為表友誼不斷放水
身為隊友嘅在下唯有跟住放水
而菲律賓波王不愧係菲律賓扶轆架王
一直都發唔到力,直至賽事尾聲先開始發力
佢隊友小寶兒其間不斷駛出爆笑花式桌球
令整個賽事充滿娛樂性

賽事完畢再去摸柸底
不過之前去拯救咗一陣地球先
拯救失敗之後就向太子出發
今次除咗我地四個波王,仲邀請咗油尖非鳳出席
摸住柸底傾計好正,大家都顯露出真性情
柸底摸哂,仲有飛標玩
今次你積水真係腦積水,其他人都飲得暢快,玩得開心

返到屋企已經就嚟天光
好耐未試過由朝去到日出
全日有意義又精彩
好彩今日唔駛早起身
真係正哂~感謝主

我要發熱發亮

今日做咗人生中一件好型嘅事
實在太~型,不過而家唔講得住

放工搭搭下車嘅時候
突然間諗到,或者叫搵到自己想點
我要生命~既發熱亦發亮
我要生活~有意義又精彩
身體裡面嘅血自然就沸騰起嚟
感覺太~好了

今晚又再研究個blog
又學識咗加wallpaper
同埋學識用咗個改圖軟件
唔...睇嚟我都有d天份

大釋放

忍咗一年,我忍夠了...
等咗一年,我頸長了...

yo~今日考埋最後一科, 我又釋放了,baby!!!

所有堂上哂!!!所有功課交哂!!!所有試考哂!!!

以後都唔駛再溫書做功課,ho

再次感受到讀完書嘅喜悅,ha

我要玩玩玩玩玩,癲癲癲癲癲

快d比多d我!!!!!!!!!!!!!!!

好,夠喇,聽日又要返工

聲嘶力竭

又唱k了...一個月內第三次了...
聲嘶力竭了...
但每次都好盡興好開心

今日一早九點出門入上水
與仔臣同大隻妹共進早餐
傾咗d重要嘢
又有金句---小至如厠洗手,大至結婚買樓
之後十二點一班人去烏鴉屋企bbq
仲有小甩毛玩,超得意,勁百厭
直至黃昏,出旺角再唱k
深夜才返歸

又要開始準備溫書...

狂呼我Neway~

大翻新

今日將個blog大翻新
好型,好靚,好難
因為新範本冇咗某d舊嘅subtitle
要自己加番上去
即係要寫部份網頁
位置,字型,符號,間隔都要統一
未學過,試咗好多次先得

keep on praying...

今日病到pk,想sick leave又唔得
因為有個同事放假
下午頂唔住去睇醫生
食咗藥捱埋個下午跟住放假
臨放工本來有d重要嘢想同老細講
不過冇機會,唯有放完假再講
放咗工比人守望再去守望人
真係超人生活

近排突如其來好多事

真係"世界有太多東西發生"

需要祈禱嘅事有好多

keep on praying

oush!!!

今日天氣勁差,好彩請咗假喺屋企溫書
不過冇乜心機溫,因為阿sir比d貼士太~~~~~衰喇
夜晚7點考到10點
考完已經可以祈定禱
祈禱只要合格就夠
唔理喇,之後仲有嘢做有嘢玩
oush!!!

南Y島小遊

又一個好close-packed嘅日子
朝早長週要返工
帶咗notes溫咗少少書.皆因下星期一要考試
仲未溫哂,阿sir比貼士又比得孤寒兼唔清唔楚
一放工又飛撲去中環傾d重要嘢
跟住下午三點搭船入南Y島
入到去天色唔錯,只係有d熱同濕
一路行山一路欣賞到黃昏再食埋海鮮至出嚟
落船已經夜晚九點半
原本仲想唱k,實在太癲喇