樂事

唉...好耐未試過星期日訓到食lunch

呢排實在幾忙,有嘢要諗又要返學

工作上又出事,真係既攰又煩Q死

過去兩星期只有一晚可以返屋企食飯睇爭霸

就嚟忍唔住喇~

雖然天氣凍,但可以安坐家中

輕鬆舒服咁上網,聽歌,打機,睇動漫,做吓哩,做吓路,訓覺食飯痾屎

hea吓,乜都唔做唔諗,逍遙自在一番

人生一大樂事!!!

M叔都要輕鬆吓

iGiveUp

上年開始一直考慮轉工
但有種種理由令我冇下定決心
工作環境,舊有同事,轉換部門,累積經驗,安於現狀...
近排再諗起呢樣嘢
因為種種原因令我不得不思考
公司狀況,有限人工,進升機會,人事政治,制度問題...

今日我終於下定決心轉工
拎得起
放得低
I give up 這公司

What the...

近排返工返到好悶
返工時間就嚟等於浪費時間
如果可以用嚟做其他嘢
例如秘勞,睇書,運動,訓覺...等等
咁就好喇!

話說今日收上網張e-bill
發覺比人老屈錢
又係d自動幫你行嘅plan
跟住唔出聲又要你自己打去cancel
唔係收咗錢都唔知
賤格!麻鬼煩!

故居

近日得閒就返舊屋玩
事關之前搵番樣唔見好耐嘅嘢
而且去到舊屋好自由
因為一個人都冇,好多鄰居都搬走咗
又叫又跳都唔怕嘈到人
係亂咗少少同污糟少少
而家返舊屋玩變成另一樣消遣

日落照夕陽 依窗看黃昏
獨遊故居中 低吟思往事
無病卻呻吟 這就是人生

東龍觀日

年尾台海大地震,攪到周圍都上唔到網,勁煩~
返工email internet乜都用唔到,好似返到石器時代咁
好彩電話仲用到,否則真係與世隔絕

呢個年尾都幾忙,聖誕已經冇乜點訓
返工嗰三日公司又勁忙
仲要幫手做兄弟,三十號行禮兼擺酒
凌晨四點幾起身去到夜晚十一點幾
訓咗兩個半鐘就做咗廿個鐘
第日又晨早起身入camp,真神人也

第一次露營,目的地東龍洲
話說今年除夕又去倒數同睇日出
今年倒數咗三次,係三次!癲哂!
今年好唔好彩又睇唔到日出嗰下
有d可惜,唯有影多幾張靚相補數


東龍砲台 - 原稱佛掌門砲台
位處於軍事要點,當年柯哩舵佛抵抗八國聯軍有功
因而榮登掌門之位,其愛砲亦命名為佛掌門砲台
及後日本侵華,港人重用此砲台誓死抗敵
改稱為東龍砲台,再列為法定古蹟