做唔停

呢個星期公司好忙,做到好攰
返咗新工到而家先開始忙到做唔停,做唔哂
每日都ot幾個鐘,好耐未試過

筷子記@中環

今天放工與積水及打打一起吃飯去
會合前逛了逛H&M,冇件買得落手
會合後找個地方坐下,聽積水說是吃澳門風味美食
一邊吃飯一邊談天說地,開始志偉飯局
這個晚上大家分享了許多童年趣事,互相認識對方的童年生活
身邊有個(大)鄉里打打,原來大家都是小一離鄉別井,真是他鄉遇故知
飯後一起進行偉大任務,拯救地球,義不容辭,地球又多一位戰士
及後,一邊送行一邊繼續說笑,在歡愉氣氛中分別,派飯再見

隊!!!!!!

今日原本短週,不過都要同個同事一早返大陸training
好眼瞓~去到負責training嘅同事病咗
唯有開自己個mailbox check下email
lunch去食東北菜,幾好食
仲飲咗幾柸唔知係40定60度嘅東北燒酒
食完番office再train,join埋另一個香港嘅同事一齊去打bowling
點知間嘢執咗!!!有冇"狗菜"???
唯有搵個地方坐低飲嘢等埋老細上埋嚟先食晚飯
晚餐食新疆菜,又幾好味,又比人隊啤柸
但係個厠所竟然男女共用!!!???並唔係一格用完到下個
而係男女一齊用,隨時厠格外面企住個男人女人
食完再落k,又再比人隊幾枝,竟然比個女同事猜羸咗我成枝酒!!!
十二點過關坐頭等返香港,全日又食又玩又有人請,爽~~~

Free Fight !!!!!!

今日放工食少少嘢,就去太子會見教練

上到道場換衫,跟住就開始熱身運動

熱身運動都好甘,加上唔開冷氣,又熱又濕好不辛苦

之後打影,打完影打墊把,呢個最爽呢~~~

出盡力,大大力,拳拳到肉,three hit combo

打完全身攰哂,腰都酸埋,聽日仲要返工,攞命~~~

ceo@causeway

尋晚一班同事去銅鑼灣ceo唱k
張email寫住時間fm 1930 to 0545,真係即刻打個突
最後雖然無去到咁晏,不過差唔多成晚陪住d老細玩骰飲酒
係臨走前先唱到兩三首

跟住今日又要唱k,不過見到一班摰友,無計啦~~~
今日都係冇乜點唱過,比哂佢地唱,同你積水訓練愛馬仕
訓練一陣又同佢地玩下遊戲,咁又一個下午

返到屋企即瞓,要留番d體力聽日用......

四方城@cafe

又過咗呢個星期嘅小組,終於成就第一次由我彈嘅結他敬拜
彈到弦都斷哂,無得彈!!!!!!
偏偏第一次彈就有泳兒"探組",仲帶埋個新朋友,壓力xN...

尋晚攪咗次小小嘅小組活動,其實都只係上cafe坐下玩下傾下計
放工時地球有難,閃電咁拯救完就到mk等埋愛馬仕同圖書小姐搵嘢食
愛馬仕推介--Italian Room Vegetable,行足成條女人街先搵到,果然so不俗~
之後你積水嚟到一齊食,食完大隻妹就到,可惜好快又要走
去到cafe,有套extra爽浪式麻雀,啱啱夠腳開枱,又鋤D又波子棋
中途見到容祖兒無啦啦喺愛馬仕背後......張海報上面
成晚你積水瘋狂咁望住愛瑪仕......身後張海報
原來圖書小姐都係雀后一名,尋晚又學到唔少嘢
十二點幾走人,有d攰,今日仲要返工,我要瞓覺呀~~~

吽~

近排不斷落雨,落到個人都落哂型
吽下吽下又過咗一星期
星期四將會有個大突破,大恩典~~~終於唔駛再清唱
將會有個神秘結他手伴奏,wo~~~

呢幾日練到手都起哂"枕",仲有d痛-_-"

大約在OT

終於都要OT了,呢三日都要OT
做嘅嘢愈來愈多,愈來愈煩
以前舊人未close嘅file,開始漸漸浮出嚟
又係乜record都冇,乜都唔知嘅情況下跟進
唉~~~

開組囉

尋日開咗分組後第一次小組
人少咗,啤梨間屋感覺闊落咗
客廳乾淨咗,冷氣都開咗,坐得舒服咗

仲有美女廚房,放工開會之後買埋嘢飲上去
見到已經煮好哂嘢食,真係好有收工返屋企嘅感覺
一齊玩遊戲,一齊敬拜,再一齊坐低慢慢傾計
覺得全組人都好夾好相似,一樣咁認真,內歛,有內涵同怕羞(笑)

大家輕鬆寫意咁互相分享同加深認識
一齊討論小組嘅異象, 大家都好有共識
嗯~