退修

尋日終於同飛鳳&賢弟去咗蕉坑退修

天氣超好,我地嘅祈禱有回應呢,超感恩~

放工就去rainbow會合&買嘢食

除咗麵包夾魚魚,腸腸,桃桃,雜果,好多零食,仲有焦糖布丁&藍莓乳酪,超正~

搭車入到去即刻開餐,太肚餓喇!!!!!

食完一邊敬拜一邊感受周圍嘅花草樹木,好享受~

之後行入去三星灣,沿途周圍望,已經開始玩水

行咗大半個鐘,終於見到個沙灘,好靚啊~

休息一陣就各自修行一個鐘

我就瞓喺沙灘蓆上面,望住個天,聽住浪聲,睇住聖經,諗住耶穌,感受自然...

各自修行之後,一路分享一路食海水冰震嘅布丁同乳酪,超好味~

跟住就開始一齊玩泥沙,非常白痴,十分低能,而且極之開心,成身都係沙呀!!!!!

玩玩下已經天黑,摸黑行返出去,伸手不見五指,飛鳳好似好驚呢~

沿途大大聲唱詩歌壯膽,仲有好多蜘蛛網

行返出去再搭車到diamond山食KFC,個侍應不停講"唔好意思",超攪笑

好開心好正嘅退修,大家都要嚟試下~

附近有個小mangrove都好靚~